Франциянинг "Лион" клуби 17 ёшли форварди Энцо Молебени Испаниянинг "Севилья" клуби қизиқтириб қолди. Жамоа аллақачон сотиб олиш таклифини билдирган, деб хабар беради RMC Sport.
Манба маълумотига кўра, трансфер қиймати 5 миллиондан 10 миллион еврогача бўлиши мумкин. Молебе "Лион"да ўтган мавсумга оид атиги 2 та ўйинда майдонга тушди. Шунингдек, асосан чап қанот вингери сифатида ўйнайдиган футболчи Франциянинг U16, 17 ва 18 ёшгача бўлган терма жамоаларига чақирилган.
Transfermarkt портали футболчининг нархини 100 минг еврога баҳоламоқда. Жорий мавсумда футболчи "Лион"нинг ўринбосарлари таркибида 1 та ўйинда майдонга тушди.













