"Интер Майами" таянч ярим ҳимоячиси Серхио Бускетс келажаги ҳақида фикр билдирди.
"Мен Европага қайтмайман. Ҳозир шундай ёшдаманки, буни қабул қилишим керак. Ҳозирча шартномани узайтираманми ёки фаолиятимни якунлайманми, деган қарорга келганим йўқ. Аммо мен келишувни узайтиришдан кўра, кетишга яқинроқман," - деди Бускетс BeIN Sports’га.
37 ёшли испаниялик 2023 йилнинг ёзида "Интер Майами" футболчисига айланганди. У жорий мавсум барча мусобақаларда 31 та ўйинда майдонга тушди ва 6 та голли узатмани амалга оширди.
Бускетснинг "Интер Майами" клуби билан амалдаги меҳнат шартномаси жорий йилнинг декабрь ойи охиригача мўлжалланган.
