Конрад Хардернинг "Милан"га ўтиши барбод бўлиши мумкин.
Аввалроқ, Италия клуби "Спортинг" билан 20 ёшли ҳужумчини 24+3 млн евро ва қайта сотувнинг 10 фоизи эвазига трансфер қилишга келишиб олгани маълум бўлганди.
Фабрицио Романонинг маълум қилишича, битим барбод бўлиш хавфи остида. Португалияликлар футболчига тезда ўринбосар топишларига кафолат бера олишмайди - бусиз эса уни "Милан"га қўйиб юборишмайди.
Энди "россонерилар" "Ювентус"дан Душан Влахович номзодига ўтишлари мумкин.
Аввалроқ, миланликлар "Байер" форварди Виктор Бонифасенинг тиббий кўрик натижаларидан қониқмагани сабаб келишувдан воз кечган эди.
