Жуд Беллингем елкасидаги операциядан сўнг муваффақиятли тикланмоқда.
Эслатиб ўтамиз, "Реал" ярим ҳимоячиси 2023 йилнинг ноябридан буён елкасида муаммолар бор эди.
Июль ойи ўрталарида ўтказилган операциядан сўнг Беллингемнинг тикланиши 10 дан 12 ҳафтагача давом этиши таъкидланган.
Футболчининг тикланиши яхши кетмоқда, деб хабар бермоқда AS нашри.
Англиялик футболчи октябрь ойи бошида бўлиб ўтадиган халқаро танаффусга қадар майдонга қайтишни истамоқда, аммо клуб эҳтиёткорлик билан ҳаракат қилишни маъқул кўрмоқда.
Футболчи якунда муддатларни қисқартира оладими ёки йўқми, ҳозирча аниқ эмас.
