"Челси" ҳужумчиси Николас Жексон "Бавария"га ўтишга яқин турибди. Агар режалаштирилмаган ҳеч нарса содир бўлмаса, сенегаллик ижара ҳуқуқи асосида немис гранди сафини сотиб олиш имконияти ёки мажбурияти билан тўлдиради.
Журналист Флориан Плеттенбергнинг ёзишича, мюнхенликларни турли ҳужумкор ролларда ўйнашга қодир бўлган ҳужумчининг универсаллиги ўзига тортган, шунингдек, Германия чемпионлари раҳбарияти футболчининг менталитетидан ҳайратда қолган.
Николас Жексон 2023 йилдан бери "Челси" сафида тўп суриб келмоқда, унинг ҳисобида "кўклар" сафида барча мусобақаларда 81 та ўйинда 30 та гол ва 12 та голли узатма бор. Transfermarkt портали 24 ёшли футболчининг нархини 50 млн еврога баҳоламоқда.
