Италиянинг "Пиза" клуби испаниялик ҳимоячи Рауль Альбиол трансфери бўйича музокаралар олиб бормоқда. Бу ҳақда Sestaporta News хабар бермоқда.
Манбага кўра, "Пиза" спорт директори Жованни Коррадо "Вильярреал" билан шартномаси тугаганидан кейин эркин агентга айланган 39 ёшли футболчи билан музокара ўтказиш учун Виарежодаги меҳмонхонага йўл олган. Бошланғич нуқта 1 йил муддатга шартнома тузиш таклифи бўлди.
Ўтган мавсумда Рауль Альбиол 16 та ўйинда майдонга тушди ва 4 та огоҳлантириш олди. Transfermarkt портали футболчининг бозор нархини 1 миллион еврога баҳоламоқда.
