Каталониянинг "Барселона" клуби шарафини ҳимоя қилаётган даниялик ҳимоячи Андреас Кристенсен фаолиятини Италия чемпионатида давом эттириши мумкин. Бу ҳақда Fichajes журналистлари хабар бермоқда.
Манбага кўра, 29 ёшли футболчига "Милан" клуби қизиқиш билдирмоқда. "Россонерилар" раҳбарияти ёзги трансферлар ойнаси ёпилгунга қадар келишувни расмийлаштиришни режалаштирмоқда. "Кўк-анорранглилар" музокаралар олиб боришга тайёр ва даниялик футболчининг нархи - 30 миллион еврони эълон қилган.
Андреас 2022 йил ёзидан бери "Барселона" футболчиси ҳисобланади. Ҳимоячининг каталонияликлар билан амалдаги шартномаси 2026 йилнинг июнида ўз ниҳоясига етади. Унинг бозор қиймати 12 миллион еврога баҳоланмоқда.













