"Челси" ҳужумчи Кристофер Нкункуни "Милан"га 42 миллион еврога сотмоқда. Шундан сўнг, Лондон клуби вингер Алехандро Гарначонинг трансферини ёпади. "Аристократлар" аллақачон "Манчестер Юнайтед" билан келишувга эришган. Бу ҳақда таниқли журналист Бен Жейкобс ижтимоий тармоқларда ёзди.
Аввалроқ матбуотда 21 ёшли Гарначо "Манчестер Юнайтед"дан айнан "Челси"га ўтишга қарор қилгани бир неча бор таъкидланганди. Нуфузли Transfermarkt портали аргентиналикни 45 миллион еврога баҳоламоқда. "Қизил иблислар" сафида Гарначо 144 та ўйинда майдонга тушиб, 26 та гол урган ва шерикларига 22 та голли узатма берган.
