"Ювентус" ҳужумчиси Душан Влахович бу ёзда ҳеч қаерга кетмайдиган кўринади. Туринликлар келаси йили шартномаси тугайдиган сербни сотишни режалаштирган, бироқ ҳеч ким билан келиша олмаган. Энди клубдагилар 25 ёшли футболчи деярли қолишини тасдиқлашди.
"Душан бу мавсумда 99 фоиз эҳтимол билан "Ювентус"да қолишини тасдиқлаши мумкин," - дея "кекса синьора" бош директори Дамьен Комоллининг сўзларини келтиради Италия ОАВ.
Влахович учун асосий даъвогар "Милан" бўлиб, у футболчининг молиявий талабларини қондира олмади. Маълум бўлишича, форвард жорий мавсум якунлангач, эркин агент сифатида кетади.
