"Бавария" яқин келажакда вингер Майкл Олисени сотмоқчи эмас. Сўнгги кунларда матбуотда футболчининг шартномасида товон пули борлиги ҳақида миш-мишлар тарқалди - бу маълумотни Мюнхен клуби ҳам, французнинг атрофидагилар ҳам рад этишди. Шунга қарамай, Bayern & Germany нашрининг ёзишича, Олисени "ПСЖ", "Ливерпуль" ва "Манчестер Сити" клублари диққат билан кузатиб бормоқда. "Бавария" футболчини лойиҳанинг асосий фигураси деб ҳисобламоқда ва яқин йилларда у билан хайрлашмоқчи эмас.
Майкл Олисенинг амалдаги шартномаси 2029 йилгача мўлжалланган бўлиб, унинг Transfermarkt сайтидаги тахминий нархи 100 млн еврони ташкил этади. Ўтган ёзда немис гранди вингерни "Кристал Пэлас"дан 53 млн еврога сотиб олганди.
