"Челси" ҳужумчиси Кристофер Нкунку "Милан"га ўтишни якунламоқда. Француз Италияга учиб келди, у ерда эрталаб тиббий кўрикдан ўтади, шундан сўнг "россонерилар" билан шартнома имзолайди, деб хабар беради журналист Руди Галетти.
27 ёшли футболчининг трансфери итальян клубига 37 млн еврога тушади, яна 5 млн евро бонус тариқасида берилади. Шунингдек, лондонликлар форварднинг келажакдаги қайта сотувидан фоиз олади.
Кристофер Нкунку икки йил давомида "Челси" шарафини ҳимоя қилган. Футболчи барча мусобақаларда инглиз жамоаси сафида 62 та ўйинда 18 та гол урган ва бешта голли узатмани амалга оширган.
