"Милан"нинг қанот ҳимоячиси Алекс Хименесга Англиянинг "Борнмут" клуби қизиқиш билдирмоқда. Бу ҳақда журналист Марк Макадам хабар бермоқда.
Манбага кўра, айни дамда "гилослар" 20 ёшли испаниялик футболчининг трансфери бўйича "Милан" билан фаол музокаралар олиб бормоқда. Таъкидланишича, "Борнмут" Хименесни кейинчалик сотиб олиш ҳуқуқи билан ижарага олишни режалаштирмоқда. Шуни алоҳида таъкидлаш керакки, трансфер ойнаси ёпилишига 3 кун қолди.
Хименес "Милан" сафида 2024 йилдан буён тўп суриб келмоқда. Италия жамоаси либосида ҳимоячи барча мусобақаларда 34 та учрашувда майдонга тушиб, 2 та голли узатмани амалга оширди.













