"Milan"ning qanot himoyachisi Aleks Ximenesga Angliyaning "Bornmut" klubi qiziqish bildirmoqda. Bu haqda jurnalist Mark Makadam xabar bermoqda.

Manbaga ko‘ra, ayni damda "giloslar" 20 yoshli ispaniyalik futbolchining transferi bo‘yicha "Milan" bilan faol muzokaralar olib bormoqda. Ta’kidlanishicha, "Bornmut" Ximenesni keyinchalik sotib olish huquqi bilan ijaraga olishni rejalashtirmoqda. Shuni alohida ta’kidlash kerakki, transfer oynasi yopilishiga 3 kun qoldi.

Ximenes "Milan" safida 2024 yildan buyon to‘p surib kelmoqda. Italiya jamoasi libosida himoyachi barcha musobaqalarda 34 ta uchrashuvda maydonga tushib, 2 ta golli uzatmani amalga oshirdi.