"Манчестер Юнайтед" ярим ҳимоячиси Кобби Майну клубдаги келажаги борасида ўз позициясини ўзгартирмади. Пайшанба куни маълум бўлишича, 20 ёшли футболчи мавсум охирига қадар ижарага кетиб, асосий таркибда мунтазам ўйнашни ва 2026 йилда Англия терма жамоаси билан жаҳон чемпионатига боришни режалаштирмоқда. "Қизил иблислар" хавбекни қўйиб юбормоқчи эмас ва жамоа етакчиси Рубен Аморим ҳам жорий мавсумда унга умид қилаётганини маълум қилди.
Мураббийнинг сўзларига қарамай, Майну ўз ниятидан қайтмади - у ҳамон ижарага кетишни истамоқда, дея хабар бермоқда инсайдер Фабрицио Романо. Футболчи яна клубга мурожаат қилиб, май ойигача бошқа жамоага қўйиб юборишни сўради.













