"Ливерпуль" бош мураббийи Арне Слот ҳимоячи Эндрю Робертсон жамоа вице-сардори этиб тайинланганини тасдиқлади. "Қизиллар" асосий сардори - Виржил ван Дейк.
"Янги вице-капитан - бу Роббо. У бу ерда кўп йиллардан бери ўйнайди, икки марта Англия чемпиони бўлган. Ўтган мавсумда Виржил, Трент, Роббо ва Муҳаммад Салаҳ сардорлик қилганди. Тренд кетди, шунинг учун бу қарор учун кўплаб мантиқий сабаблар бор. Эндрю - жуда яхши ўйинчи, кўп ўйнайди, нима кераклигини билади, клуб ва кийиниш хонасини билади," - дея Слотнинг сўзларини келтиради клуб матбуот хизмати.
