"Барселона" 17 ёшли озарбайжонлик футболчи Иброҳим Бабаев билан шартнома имзолаганини расман тасдиқлади. Ёш ярим ҳимоячи "кўк-анорранглилар" U-17 жамоасига қўшилди ва клуб академиясининг бир қисмига айланади.
Ушбу шартномани имзолаш маросими "Барселона" бошқаруви аъзоси, болалар ва ўсмирлар футболи директори Жоан Солер Ферре ҳамда каталонияликлар афсонаси, 4 карра Испания чемпиони Хосе Рамон Александро иштирокида бўлиб ўтди.
Бабаев 2008 йилда туғилган ва ҳозирда Озарбайжон ёшлар терма жамоасида ўйнайди. "Барселона" академиясига ўтишидан олдин у Швейцариянинг "Серветт" жамоаси шарафини ҳимоя қилган.
