Эртага бўлиб ўтадиган «Райо Вальекано» – «Барселона» учрашуви олдидан каталонияликлар бош мураббийи Ханси Флик матбуот анжуманида иштирок этди.

Мусобақа бошланиши ҳақида
— «6 очко билан бошлаш муҳим эди, аммо эндиликда диққатимизни учинчи ўйиндаги ғалабага қаратганмиз. «Райо» мураббийи аъло иш қилмоқда, улар жиддий рақиб бўлади».

Фермин Лопес ҳақида
— «Баъзан футболчилар бошқача ўйлайди ёки ташқи муҳит таъсирига тушади. Лекин мен Ферминнинг «Барса»да эканидан хурсандман. У жамоамиз учун жуда муҳим. Барча жамоадошлари унинг қолишини хоҳлайди. Ҳафта бошида у бошқача эди, аммо кейинги кунларда кўпроқ футболга эътибор қаратди. Ҳозир унинг ҳолати яхши, бу биз учун муҳим».

Клубнинг молиявий ҳолати ҳақида
— «Мен фақат жамоага эътибор қаратяпман. Молиявий ҳолат мени қизиқтирмайди. Бизда фантастик таркиб бор ва барча билсинки, мен ҳозирги футболчиларни сақлаб қолишни хоҳлайман».

Трансферлар ҳақида
— «Охирги кунларда янги трансферлар бўладими? Ростини айтсам, ҳеч қандай тасаввурим йўқ. Трансфер бозори шунчаки жиннилик».

Майдоннинг ҳолати ҳақида
— ««Райо» стадиони майдони? Биз буни ўзгартиролмаймиз. Икки жамоа ҳам бир хил шароитда ўйнайди».