Бельгиянинг "Антверпен" клуби дарвозабони Сенне Ламменс "Манчестер Юнайтед"га ўтишга яқин турибди. Бу ҳақда журналист Саша Тавольери хабар бермоқда.
Манбага кўра, сўнгги бир неча соат ичида клублар ўртасидаги музокаралар тезлашган. "Антверпен"дагилар ушбу дам олиш кунлари трансфер ёпилишига ишонишмоқда. Ламменснинг ўзи аллақачон Премьер-лигага кўчиб ўтишга ва "қизил иблислар" билан 5 йиллик шартномага розилик берган. Келишув суммаси 25 миллион еврони ташкил этиши кутилмоқда.
Жорий мавсумда 23 ёшли Ламменс Бельгия чемпионати доирасида 4 та ўйинда майдонга тушди ва 4 та гол ўтказиб юборди.
