Николас Жексоннинг "Бавария"га ўтиши бекор қилинди.
Аввалроқ Мюнхен клуби «Челси» ҳужумчисини 65 миллион еврога сотиб олиш опцияси билан 15 миллион еврога ижарага олиши ҳақида хабар берилганди.
Бироқ лондонликлар энди “Бавария”ни футболчини қўйиб юбормасликлари ҳақида хабардор қилишди. Улар сенегалликдан Буюк Британияга қайтишни сўрашди, дея хабар беради The Athletic.
Бундай қарор Лиам Делапнинг тиззасидан олган жароҳати туфайли қабул қилинган. "Челси" бош мураббийи Энцо Мареска англиялик футболчи 6-8 ҳафтани ўтказиб юборишини айтди.













