Георгий Судаков "Шахтёр"дан "Бенфика"га ўтди.
Португалия клуби 22 ёшли ярим ҳимоячини сотиб олиш шарти билан ижарага олганини эълон қилди.
Футболчининг ижараси учун "бургутлар" 6,75 миллион евро тўлайди, тўлиқ трансфер эса уларга 20,25 миллион евро ва 5 миллион бонусга тушади. Украина клуби футболчини қайта сотишдан тушган маблағнинг 25 фоизини ҳам олиши мумкин - агар "Бенфика" "Шахтёр"га қўшимча 6 млн евро тўласа, бу улуш 15 фоизга тушади.
Ўтган мавсум Украина чемпионатида Судаков 25 та ўйинда майдонга тушиб, 13 та гол ва 4 та голли узатмага муаллифлик қилган.
