Мадриднинг "Реал" клуби бош мураббийи Хаби Алонсо ҳакамнинг "Мальорка"га қарши ўйинда Арда Гюлер томонидан урилган голни бекор қилиш қарори ҳақида нима деб ўйлаётганини айтди.
"Қаймоқранглилар"нинг туркиялик ярим ҳимоячиси дублга эришиши мумкин эди, аммо унинг 55-дақиқада урган голи VAR аралашуви билан бекор қилинди. Ҳакамлар тўп 20 ёшли футболчининг қўлига теккан деб топишди.
"Гюлернинг бекор қилинган голи? Ҳакамнинг талқини шундай. Мен бу борада бошқача фикрдаман, лекин у шундай қарорга келди", - деди Хаби Алонсо матбуот анжуманида.
