Мадриднинг "Реал" клуби устози Хаби Алонсо терма жамоалар ўйинларидаги танаффус ҳақида салбий фикр билдирди.
"Мен бу танаффусни хоҳламайман. Жамоа бирдамлигини сақлаб, ишни давом эттириш мен учун муҳим. Биз иложи борича кўпроқ бирга бўлишимиз керак, чунки олдинда ҳали кўп иш бор. Ҳали тўғрилашимиз керак бўлган нарсалар бор", - дея изоҳ берди испаниялик мутахассис матбуот анжумани вақтида.
Испания чемпионатининг 3-туридан ўрин олган "Реал" - "Мальорка" учрашувида "қаймоқранглилар" 2:1 ҳисобидаги ғалабани тантана қилди. Ушбу учрашувдан сўнг "қироллик клуби" тўққиз очко жамғариб, Ла Лига турнир жадвалида биринчи ўринни эгаллаб турибди.
