"Наполи" бош мураббийи Антонио Конте "Кальяри"га (1:0) қарши ўйиндан сўнг ўз таассуротлари билан ўртоқлашди.
Амалдаги чемпионлар ўйин якунланиши арафасида Андре-Франк Замбо-Ангиссанинг аниқ зарбаси эвазига 3 очкони қўлга киритишди.
"Бу биз ютқазишимиз мумкин бўлган одатий ўйин эди. Мен ҳатто 0:0 ҳисобидан ҳам мамнун бўлардим. "Кальяри" жуда шиддатли ҳаракат қилди, рақибдан ҳимояда бундай ўйинни кутмагандик. Муҳими, биз уларга қарши ҳужумга ўтишга йўл қўймадик, чунки тўпга эгалик қилишда бундай устунлик ҳар доим хавф туғдиради. Биз концентрация нуқтаи назаридан яхшиланамиз. Бугун охиригача ғалабага ишондик ва ўйин тугашига 20 сония қолганида гол билан тақдирландик. Жуда хурсандман," - деди Конте DAZN’га берган интервьюсида.
