Лондоннинг "Арсенал" клуби сардори Мартин Эдегор жамоаси билан "Ливерпуль"га қарши сафар ўйинига йўл олди. Бу ҳақда Goal ёзмоқда. Шунингдек, ҳужумчи Леандро Троссард ҳам Эдегор билан бирга сафарга йўл олди.
Эслатиб ўтамиз, Эдегор бир ҳафта олдин "канонирлар"нинг якшанба кунги "Лидс"га (5:0) қарши ўйинида жароҳат олган эди. Биринчи бўлимда норвегиялик футболчи ноқулай тарзда елкасининг устига йиқилди, тўқнашувдан кейин яна бир неча дақиқа ўйнади ва кейин майдонни тарк этди.
Навбатдаги ўйинда "Арсенал"га ҳужумчилар Габриэль Жезус ва Кай Хаверц, шунингдек, вингер Букайо Сака ёрдам бера олмаслиги аниқ.
