Лондоннинг «Арсенал» клуби бош мураббийи Микель Артета жамоанинг асосий ҳимоячиси, француз футболчиси Вильям Салиба «Ливерпуль»га қарши Англия Премьер-лигаси 3-тури учрашувида олган жароҳати ҳақида фикр билдирди. Беллашув 0:1 ҳисобида якунланди. Салиба 5-дақиқадаёқ майдонни тарк этди.

Артета шундай деди:

«У чигилёзди машғулот пайтида тўпиқдан жароҳат олди ва ўйнай олишини айтди, лекин биринчи иккита эпизоддаёқ у қийналаётганини кўрдим ва афсуски, уни майдондан олишимизга тўғри келди. Яхшики, бизда Москера бор — уни илк бор Премьер-лигада майдонга туширдик. Унинг дебюти «Энфилд»да кутганимиздек шароитда бўлмади, аммо менимча, у жуда яхши ўйнади. Салибанинг жароҳати мени хавотирга соляпти, чунки бундай даражадаги ўйинларда бирор муаммо бўлса, ўйнаш мумкин эмас. У ҳаракат қилди, демак муаммо жиддий».

24 ёшли Салиба жорий мавсумда АПЛда 3 та ўйинда майдонга тушди, аммо ҳали статистик кўрсаткичлари йўқ.