Лондоннинг "Арсенал" клуби марказий ҳимоячиси Вильям Салиба сентябрь ойидаги ўйинларда Франция терма жамоасига ёрдам бермайди.
24 ёшли футболчи якшанба куни бўлиб ўтган Премьер-лига доирасидаги "Ливерпуль"га қарши ўйин бошидаёқ жароҳат олиб, 5-дақиқада захирага олинганди. Франция терма жамоаси матбуот хизмати хабарига кўра, "уч ранглилар" Салибани қайдномадан чиқаришга мажбур бўлди - унинг ўрнини Миланнинг "Интер" клуби аъзоси Бенжамен Павар эгаллади.
Қайд этилишича, "канонирлар" вакилида тўпиқ бўғими пайларининг чўзилиши аниқланган.













