"Барселона" ярим ҳимоячиси Френки де Йонг жамоасининг "Райо Валекано"га (1:1) қарши ўйиндаги хатоси ҳақида фикр билдирди.
"Бизда назорат етишмади, узатмаларда аниқлик етишмади. Ҳа, майдон яхши ҳолатда эмасди, лекин бу муҳим эмас. Биз анча яхшироқ ўйнашимиз мумкин эди. Уч турдан кейин 7 очко - унчалик яхши натижа эмас, биз барча ўйинларда ғалаба қозонишни хоҳлаймиз. Халқаро танаффусдан сўнг биз ҳафтасига иккита ўйин ўтказишимиз керак - ўйлайманки, бу фойдали бўлади, чунки бундай режимда керакли ритмни сақлаб қолиш осонроқ бўлади. Умид қиламанки, биз қўша оламиз," - дея де Йонгнинг сўзларини келтиради Испания ОАВлари.
