"Барселона" бош мураббийи Ханс-Дитер Флик Ла Лига 3-туридан ўрин олган "Райо Вальекано"га (1:1) қарши ўйиндан сўнг ўз таассуротлари билан ўртоқлашди.
"Менимча, бундай ўйинда дуранг ҳам етарли - биз бундан ортиғига лойиқ эмасмиз. Ғалаба қозонишни хоҳлагандик, аммо "Райо"га тан бериш керак - рақиб яхши эди. Мен жамоамдан норозиман. Бугун яхши ўйин кўрсатмадик. Иккинчи бўлимда "Райо"да голли вазиятлар кўп бўлди, аммо бизда, бахтимизга, ажойиб дарвозабон - Жоан Гарсия бор," - дея Фликнинг сўзларини келтиради Barca Universal.
