Мадриднинг "Атлетико" клуби тез орада ҳужумчи Нико Гонсалесни ўз сафига қўшиб олганини эълон қилади. Таниқли журналист Фабрицио Романонинг ижтимоий тармоқларда маълум қилишича, "матрасчилар" 27 ёшли аргентиналик футболчини "Ювентус"дан 33 миллион еврога сотиб олиш шарти билан ижарага ўтказишга келишиб олишган.

Қайд этилишича, футболчи "Атлетико" сафида маълум миқдорда ўйин ўтказса, Гонсалесни сотиб олиш варианти мажбурий бўлади.

Нико Гонсалес "Ювентус" сафида 40 та расмий ўйин ўтказган. Унда аргентиналик футболчи ўз ҳисобига бешта гол ва тўртта голли узатмани ёздириб қўйди.