"Арсенал" сафарда "Ливерпуль"га 0:1 ҳисобида ютқазди. Ўйиндан кейин лондонликлар бош мураббийи Микель Артета изоҳ берди.
"Натижадан жуда хафа бўлдим. Футболчиларим билан фахрланаман. Иккала жамоа ҳам бир-биридан фарқ қилмайдиган даражада курашишига тўғри келди. Ҳамма нарсани индивидуал хато ёки сеҳрли лаҳза ҳал қилиши мумкин эди.
Бу ерда 90 дақиқа давомида устунлик қилиб бўлмайди. Биз бундай катта ўйинларда ғалаба қозониш йўлини топишимиз керак. Тўп сенда бўлганда гол уриш керак. Биз ўтган йилга қараганда яхшироқ ҳаракат қилдик, аммо ғалаба қозонишни истасак, гол уришимиз керак," - деди Артета Sky Sports’га.
