Ўзбекистон ёшлар терма жамоаси 6 июль, шанба куни ёшлар ўртасидаги 2013 йилги жаҳон чемпионати баҳсларидаги иштирокини якунлади.
Ўзбекистон ёшлар терма жамоаси Туркияда ташкил этилган ёшлар ўртасидаги 2013 йилги жаҳон чемпионати баҳсларида жами бешта ўйин ўтказди. Сўнгги ўйин мусобақа чорак финали доирасида мусобақа ғолиблигига асосий даъвогар саналган Франция ёшлар терма жамоасига қарши ўтказилди. Ризе шаҳридаги “Йэни Шеҳир” стадионида кечган баҳс 4:0 ҳисобида француз футболчилари фойдасига ҳал бўлди.
Учрашувдан сўнг ўз фикрлари билан ўртоқлашаркан, Ўзбекистон ёшлар терма жамоаси бош мураббийи Аҳмаджон Мусаев ушбу ўйин унинг қўл остидаги жамоа учун катта дарс бўлганини таъкидлаб ўтди.
Қуйида учрашувдан тайёрланган фотогалерея билан танишишингиз мумкин. Суратлар муаллифи – Ҳасан Пирмуҳамедов (ЎФФ матбуот хизмати).
