Дарвозабон Жанлуижи Доннарумма "Манчестер Сити" билан шартнома имзолади. Бу ҳақда ижтимоий тармоқларда инсайдер Фабрицио Романо ёзди.
Кўринишидан, яқин соатлар ёки ҳатто дақиқалар ичида "Манчестер Сити" 26 ёшли Доннарумма трансферини расман эълон қилади.
Эслатиб ўтамиз, Жанлуиджи Доннарумма шартномани узайтириш бўйича муваффақиятсиз музокаралардан сўнг "ПСЖ" бош мураббийи Луис Энрикенинг режаларидан ташқарида қолганди. Матбуот италиялик дарвозабон жуда юқори маош талаб қилаётганини ёзган. "ПСЖ"даги тўрт мавсумда Доннарумма 161 та ўйин ўтказиб, 156 та гол ўтказиб юборган.













