"Галатасарой" ҳужумчиси Николо Дзаньоло тез орада ижара асосида "Удинезе"га ўтади. Бу ҳақда журналист Фабрицио Романо Х ижтимоий тармоғидаги саҳифасида маълум қилди.

Футболчи Истанбул клуби билан шартномасини узайтиради, шундан сўнг Италия жамоасига ўтади.

Ўтган мавсумда Дзаньоло "Аталанта" ва "Фиорентина"да ижара асосида ўйнаган. Бергамо жамоаси таркибида футболчи 23 та ўйинда 3 та гол урди ва 3 та голли узатмани амалга оширди, Флоренция клуби сафида эса 13 та ўйин ўтказди гол уришга эришмади. Transfermarkt сайти маълумотларига кўра, Дзаньолонинг ҳозирги бозор қиймати 12 миллион еврони ташкил қилади.