Sky Sports нашри хабарига кўра, "Арсенал" ҳимоячиси Александр Зинченко бу ёзда жамоасини тарк этмайди.
Аввалроқ футболчи "Марсел"га ўтиши мумкинлиги хабар қилинганди, аммо бу трансфер даргумон. Клублар музокаралар олиб боришди, бироқ улар келишувга эриша олишмади. Қайд этилишича, футболчига Туркия жамоалари ҳам қизиқиш билдирмоқда - бу мамлакатда трансфер ойнаси 11 сентябрга қадар очиқ бўлиб, бу борада муайян имкониятлар коридорини яратмоқда.
Ўтган мавсумда Зинченко барча турнирларда 23та ўйинда қатнашиб, битта гол ва битта голли узатмага муаллифлик қилган.
