"Барселона"нинг ҳужумкор ярим ҳимоячиси Фермин Лопес ушбу трансфер ойнасида жамоани тарк этмайди, деб ёзади The Athletic нашри.
"Челси" 22 ёшли испаниялик футболчини аввалроқ 40 миллион евро таклиф қилганига қарамай, ўз сафига қўшиб олмасликка қарор қилди. Лондонликлар бундай қарорга Фермин билан бир позицияда ўйнаётган "Брайтон" футболчиси Факундо Буонаноттени ижарага олгани сабаб бўлди.
Ўз навбатида, "Барселона" молиявий аҳволини инобатга олган ҳолда Лопес бўйича таклифни тинглашга тайёр, аммо унинг кетишини талаб қилмайди.
Фермин - "Бетис" академияси тарбияланувчиси, у 2016 йилнинг июлидан бери "Барселона" таркибида. Ўтган мавсумда у клуб миқёсида 46 та ўйин ўтказиб, 8 та гол урди ва 10 та голли узатмани амалга оширди.
