Криштиану Роналду Антонини "Ан-Наср"да кўришни истади.
25 ёшли вингер "Бетис"га "МЮ"дан 22+3 млн евро эвазига ўтди.
Журналист Маркос Бернатнинг Marcador дастурида маълум қилишича, бразилиялик ёзда "Ан-Наср"га ўтишга яқин турганди. Саудия клуби сардори Криштиану Роналду Антонининг эҳтимолий трансферини ижобий баҳолади.
"У "Ан-Наср" билан музокаралар олиб борди, футболчи таклифни тинглади ва Криштианунинг атрофида келишув деярли ҳал бўлган деб ҳисоблашди. Ўша пайтда Криштиану бу ғояни ижобий қабул қилди ва бу ҳақда футболчининг ўзига ҳам маълум қилишди," - деди Бернат.
Охир-оқибат, "Ан-Наср" Кингсли Команни сотиб олишга эътибор қаратди, бу арзонроқ вариант эди. Ўз навбатида, Антони дастлаб "Бетис"га ўтишни хоҳлаган. Испан клуби фойдасига танловнинг асосий омили - жаҳон чемпионатида ўйнаш истаги.
"Агар у Арабистонга кетганида, жаҳон чемпионатига бориш анча қийин бўларди," - дея қўшимча қилди Бернат.
