Португалиялик ҳимоячи Фабиу Кардозу "Севилья" футболчисига айланди. 31 ёшли футболчи испан клуби билан 3 йиллик шартнома имзолаган. Бу ҳақда "Севилья" матбуот хизмати жамоа сайтида расман маълум қилди.
Марказий ҳимоячи "Порту"дан Испанияга кўчиб ўтди. У Португалия клубида 2021 йилдан буён тўп суриб келаётганди. Умуман олганда, Кардозу Португалияда 78 та ўйинда майдонга тушиб, тўртта гол ва иккита голли узатмани ўз ҳисобига ёздириб қўйган.
Ўтган мавсумни португалиялик БАА чемпионатида ижара асосида ўтказди. "Ал-Айн" сафида Кардозу 29 та ўйинда битта гол урган.
