Саудия Арабистони чемпионати вакили "Ал-Иттиҳод" Португалиянинг "Брага" клубига вингер Рожер Фернандеш трансфери бўйича расмий таклиф билан чиқди. Бу ҳақда журналист Фабрицио Романо ўз ижтимоий тармоқларида ёзди.
Манбага кўра, ўтган мавсумда мамлакат чемпионига айланган "Ал-Иттиҳод" Португалия ёшлар терма жамоасида тўп тепган 19 ёшли футболчини 30 миллион еврога сотиб олишга тайёр.
Фернандеш Африканинг Гвинея-Бисау давлатида туғилган. У ёшлигида Португалияга кўчиб ўтган ва бутун фаолиятини "Брага"да ўтказган. Клуб сафида 91 та ўйинда 12 та гол урди ва 16 та голли узатмани амалга оширди.
