Ҳимоячи Марк Гехининг "Кристал Пэлас"дан "Ливерпуль"га трансфери барбод бўлди. Битим деярли ёпилган эди ва Гехи ҳатто хайрлашув видеосини ҳам тайёрлаб қўйганди, аммо кейин вазиятга "бургутлар" бош мураббийи Оливер Гласнер аралашди. Миш-мишларга кўра, немис клубга Гехи трансфери амалга ошса, кетиши билан таҳдид қилган, чунки клуб ҳимоя марказига муносиб ўринбосар топишга улгурмаган.
The Guardian нашри тарқатган хабарга кўра 25 ёшли Гехи "Ливерпуль"га трансфери барбод бўлганидан жуда хафа. Футболчи ҳатто "Кристал Пэлас"да сардорлик боғичидан воз кечиш ҳақида ўйламоқда.
Марк Гехининг Лондондаги амалдаги шартномаси келаси ёзда ўз ниҳоясига етади.
