Мадриднинг "Реал" клуби ярим ҳимоячиси Дани Себальос "Марсель" билан келиша олмади. Француз клуби ёзги трансфер ойнаси ёпилишидан бироз олдин испаниялик футболчини сотиб олишга яқин эди, аммо сўнгги паллада келишув барбод бўлди. Madrid Zone хабарига кўра, "қаймоқранглилар" "провансалликлар" таклифини қабул қилган, аммо футболчининг ўзи қўшимча комиссия тўловларини сўраган, бу эса "Марсель"ни музокараларни тўхтатишга мажбур қилган.
Дани Себальос 2017 йилдан бери "Реал"га тегишли, унинг испан гранди билан шартномаси 2026/27 йилги мавсум охиригача мўлжалланган. 29 ёшли хавбекка унинг қадрдон клуби "Бетис" ҳам қизиқиш билдирган.













