"Бавария" ёзги трансферлар вақтида "Аталанта" ҳужумчиси Адемола Лукман билан шартнома имзолашга уриниб кўрди. Мюнхен клуби 27 ёшли футболчини 28 млн еврога сотиб олиш имконияти билан ижарага олишни таклиф қилди, аммо бергамоликлар бунга жавоб ҳам беришмади - улар шунчаки сўровни эътиборсиз қолдиришди, дея хабар беради инсайдер Фабрицио Романо. "Аталанта" Лукман нархини эълон қилмади, аммо нигериялик ҳужумчини тахминан 50 миллион еврога сотиб олиш мумкин эди. "Бавария" бундай талабни қондиришга тайёр эмас эди.
Ўтган ёзда Адемола Лукман учун Миланнинг "Интер" клуби ҳаммадан фаолроқ кураш олиб борди. Футболчининг ўзи трансферни талаб қилган, аммо "Аталанта" уни Миланга қўйиб юбормаган.
