Миланнинг "Интер" клуби ёзги трансферлар ойнаси ёпилиши олдидан "Манчестер Сити"дан ҳимоячи Мануэл Аканжини ижарага олди. Швейцариялик футболчининг ижараси "нерадзуррилар"га 1,5 млн еврога тушади, дея хабар бермоқда инсайдер Николо Скира. Бундан ташқари, манбага кўра, агар 30 ёшли футболчи мавсумдаги ўйинларнинг 50 фоизида майдонга тушса ёки жамоа А Серияда ғалаба қозонса, итальян гранди уни 15 млн еврога сотиб олиши керак бўлади.

Мануэл Аканжи уч йил давомида "Манчестер Сити" шарафини ҳимоя қилган ва "шаҳарликлар" сафида барча мусобақаларда 136 та ўйин ўтказган. Англияга кўчиб ўтишдан олдин футболчи Дортмунднинг "Боруссия" клуби шарафини ҳимоя қилган.