"Милан" ярим ҳимоячиси Исмаэль Беннасер ҳали ҳамон жамоасини ўзгартириши мумкин. 27 ёшли футболчини "Трабзонспор" ўз сафига қўшиб олмоқчи, дея хабар бермоқда журналист Николо Скира. Туркияда трансфер ойнаси ҳали очиқ, шунинг учун жазоирлик трансферни амалга оширишга улгуради. Музокаралар давом этмоқда.
Исмаэль Беннасер 2019 йилдан бери "Милан"га тегишли. Ўтган мавсумнинг иккинчи қисмида хавбек Франциянинг "Марсель" клубида ижара асосида тўп сурган эди. Футболчининг "россонерилар" билан шартномаси 2027 йилгача мўлжалланган бўлиб, унинг трансфер нархи Transfermarkt портали томонидан 15 млн еврога баҳоланмоқда.
"Трабзонспор" Туркия чемпионатининг ўтган масумида еттинчи ўринни эгаллади.
