"Челси" ҳимоячи Ише Сэмюэлс-Смитни 33 кундан кейин қайта сотиб олиш шарти билан Франциянинг "Страсбург" клубига сотди.
Ёзги трансфер ойнасининг сўнгги кунида "Челси" Лиам Делапнинг жароҳати сабабли, ҳужумчи Марк Гуини "Сандерленд"дан муддатдан олдин ижарадан қайтариб олди.
Ўша куни "Челси" бундан ҳам ғалати трансферни амалга оширди. The Athletic хабарига кўра, "кўклар" бундан 33 кун аввал ўзларининг қардош клуби "Страсбург"га сотилган Сэмюэлс-Смитни қайтариб сотиб олишган.
19 ёшли футболчининг на сотиш, на қайта сотиб олиш нархи ошкор қилинмади.
Бироқ, "Челси" Сэмюэлс-Смитни ўзида сақлаб қолмади, дарҳол Ишени Чемпионшип вакили "Суонси"га ижарага юборди.
2023 йилнинг ёзида "Челси" "Эвертон"дан Сэмюэлс-Смитни 4 миллион фунт стерлингга сотиб олганди. Ише ҳали "кўклар"нинг асосий жамоасида дебют қилганича йўқ.
