Англия терма жамоаси ва Мадриднинг "Реал" клуби собиқ футболчиси Майкл Оуэн "Ньюкасл" ҳужумчиси Александр Исакнинг "Ливерпуль"га ўтиши ҳақида фикр билдирди.

"Кетмоқчи бўлсанг - ўзингни жуда ёмон тут. Одобли бўлсанг, имкониятингни бой берасан. Агар натижа шундай экан, футболчилар бундан кейин ўзларини қандай тутишларини башорат қилишнинг ҳожати йўқ", - дея ёзди инглиз ижтимоий тармоқларда.

Эслатиб ўтамиз, "Ливерпуль" 25 ёшли швециялик ҳужумчининг трансфери учун 145 миллион евро тўлаган. Исак Мерсисайд гранди билан олти йиллик меҳнат шартномасини имзолади.