"Наполи" ҳеч қачон футболчиларнинг маошларига жорий мавсумдагидек кўп пул сарфламаган.
La Gazzetta dello Sport нашрининг хабар беришича, Италия чемпиони 2026 йилнинг июльига қадар футболчи ва мураббийларга жами 160 миллион евро тўлайди.
Бу клуб учун рекорд сумма ҳисобланади.
“Наполи”нинг ҳаражатлари бир йил ичида 50 миллионга ошди. Бунга бир қатор машҳур футболчиларнинг келиши (Кевин де Брюйне учун 5,5 миллион, Расмус Хёйлунд учун 5 миллион ва бошқалар), шунингдек, футболчилар билан шартномалар узайтирилгани сабаб бўлмоқда.













