Германия терма жамоаси бош мураббийи Юлиан Нагельсманн яқинда "Штутгарт"дан "Ньюкасл"га ўтган ҳужумчи Ник Вольтемаде ҳақида гапирди.
23 ёшли футболчи "қарғалар"га 85 млн еврога тушди, бонуслар билан ҳисоблаганда бу сумма 90 млн еврога етиши мумкин.
"Ник тўлиқ нормал таассурот қолдирди, у трансфердан кейин бор эътиборини ўйинга қаратди. У янги клуб ва янги мураббийга ўзини кўрсатиш учун терма жамоада яхши ўйнашни хоҳлаши аниқ. Мен ҳали Вольтемаденинг бўлажак ўйинни асосий таркибда бошлашини ҳал қилмадим," - деди Нагельсманн матбуот анжуманида.
