"Интер"нинг янги аъзоси Мануэль Аканжи "Манчестер Сити"дан кетиши ҳақида фикр билдирди.
Швейцариялик футболчи "шаҳарликлар" сафида 2022 йилдан буён тўп суриб келаётганди.
"Мен ва оилам Манчестерда ўзимизни жуда қулай ҳис қилдик, лекин ҳеч нарсадан афсусланмайман. "Интер"даги янги чақирувни интизорлик билан кутяпман. Афсуски, ҳозирча "Манчестер Сити" билан хайрлаша олмадим, аммо буни биргаликдаги кечки овқат пайтида қилишни жуда хоҳлайман, бу эса тиғиз жадвал туфайли осон эмас. Мен учун ҳамма билан хайрлашиш муҳим", - дея Аканжининг сўзларини келтиради Sport Witness.
Ортда қолган трансферлар даврида "Интер" 30 ёшли ҳимоячини 1,5 млн евро эвазига "Манчестер Сити"дан ижарага олган эди. Агар футболчи жорий мавсумда 50 фоиз ўйинларда иштирок этса, миланликлар уни 15 млн еврога сотиб олишга мажбур бўлади.
