Испания терма жамоаси бош мураббийи Луис де ла Фуэнте "Комо" ҳужумчиси Альваро Мората ҳақида фикр билдирди.
"Мората - Испания футболига жуда кўп нарса берган ва майдонда ҳам, унинг ташқарисида ҳам кўп нарса бера оладиган буюк футболчи. У ёшларга ёрдам беради ва нафақат ёшларга, у ҳар доим ижобий кайфият билан келади", - дея де ла Фуэнтенинг сўзларини келтиради Onda Cero.
32 ёшли Моратанинг ҳисобида Испания терма жамоаси сафида 86 та ўйин бор. Бу учрашувларда у 37 та гол уришга муваффақ бўлди. Бундан ташқари, ҳужумчи ҳисобида саккизта самарали узатма бор.
