Ёзда "Ливерпуль"нинг трансфер мақсади бўлган "Кристал Пэлас" марказий ҳимоячиси Марк Гехи турли мамлакатларнинг бирданига бешта топ-клуби қизиқишлари доирасига тушиб қолди. Бу ҳақда The Mirror хабар бермоқда.
Манбага кўра, инглиз учун Мюнхеннинг "Бавария" ва Мадриднинг "Реал" клублари курашга киришган. Шунингдек, вазиятни "Барселона", "Интер" ва "Ювентус" клублари ҳам кузатиб бормоқда. Клублар музокараларни қишки трансфер ойнасида бошлашлари ёки Гехининг "Кристал Пэлас" билан шартномаси якунланишини кутишлари мумкин. Бу кейинги ёзда содир бўлади.
Ўтган мавсумда "бургутлар" сардори барча мусобақаларда 44 та ўйинда майдонга тушиб, ўз ҳисобига 3 та гол ва 2 та голли узатмани ёздириб қўйди. Transfermarkt Геҳанинг нархини 45 млн еврога баҳоламоқда.













